Sunday, February 07, 2016

या चौकात

फेसबुकी पॉपकॉर्नने पोट भरेना
व्हॉट्सअॅपच्या खिडकीतून कुणी ढुंकवेना
‘काहीतरी करायला हवं, काहीतरी करायला हवं’च्या ओझ्याखाली काहीच करवेना
शेवटी, ‘आपल्याच खिशाला पैसा कमी लागला’ या जागतिक विचारानं
मी कुठल्याशा चौकाला लागलो
तर चौकात, Being Human चा टीशर्ट घातलेला मुलगा
Che Guevara चा टीशर्ट घातलेल्या मुलाशी वाद घालत होता
रागाच्या भरात Being Human चा गुलाबी टीशर्ट घातलेल्या मुलाने
Che Guevara चा ऑफव्हाईट टीशर्ट घातलेल्या मुलाच्या कानाखाली पेटवली
आणि गुद्दागुद्दी सुरु झाली
चौकातून चाललेले, चौकाच्या भवतीच्या दुकानातील एकेकटे लोक
त्या मारीमारीभवती समूह झाले
माझ्यासमोर त्या घोळक्यात
एक नितळ सावळ्या त्वचेची, पाणीदार डोळ्यांची, बॉपकट केलेली,
ब्लॅक जीन्स ब्लॅक टीशर्ट घातलेली मानेवर कोवळीशी लव असलेली
तरतरीत मुलगी ती मारामारी पहात उभी होती
एवढ्या सगळ्या गदारोळात, माझ्या एकटेपणात
मी तिला पहात असताना मी मला पाहिलं
मग मी माझ्यासकट चौक बदलला

तर या चौकात….! 

No comments:

Post a Comment

याही वाचा

Related Posts Plugin for WordPress, Blogger...