Tuesday, July 10, 2012

ये ट्रेलर नही पुरी पिक्चर है मेरे दोस्त


आज हरायचंच म्हणून कुठलाच दिवस उजाडला नाही
तरी हरतच परतलो दर संध्याकाळी.

कित्ती धोरणं आखत राहिलो रात्र रात्र
अन् ऐन उन्हात वितळून गेलो स्वतःसकट.

बडबडलो वाट्टेल ते जगाविषयी उगाच
माझ्याविषयी बोलून बोलून बोलणार काय? मौन.

लग्नाच्या बोहोल्यावर, गणपतीच्या देवळात
डोंगराच्या टोकावर, समुद्राच्या काठावर,
हिरव्यागर्द जंगलात, घमघम वाऱ्यात, पुनवेच्या चांदण्यात,
–तंबाखू संपली वाट लागली.

मी आलो मी पाहिलं तरी ठेचकाळलो च्यामारी
ती आली ती जिंकली अन् इगो झाला मला.

ये ट्रेलर नही पुरी पिक्चर है मेरे दोस्त.
कहानी कबकी खतम हो चुकी है.

याही वाचा

Related Posts Plugin for WordPress, Blogger...