सगळेच हात हालवत निघलो शहराकडं
बापाचं गठूडं असल्यागत
पटापट चिकटलो गुळाला
मुंगळ्यांचा धर्म पाळीत
ढेपा बदलत राहील्या
पण आम्ही मुंगळेच
रांगेतल्य़ा शिस्तीतले
कुणास ठाऊक ही ढेप
गावच्या मातीतल्या ऊसाची
तर नसेल?
आणि ते खरोखरीचे मुंगळे
ते तर आपल्या बिळांत
आन्नाचा खुप साठा
करून ठेवतात म्हणे
च्यायला आपल्याला
तेही जमलं नाही।
आता गावात परतायचं म्हंटलं तरी
हात हालवतचं जावं लागेल.
गठूडं संपल्यागत
त्यापेक्षा इथेच राहू
मुंगळे बनून
रांगेतल्या शिस्तीतले.
mastach.. liked it.. true picture of reality.
ReplyDeleteThanks Rishi
ReplyDelete